Kjúklingabaunir

• Bakað grænmeti

• 400g kartöflur, skornar í báta
  
• 1 meðalstór sæt kartafla, skorin í báta
  
• 1 tsk fennelfræ
  
• ¾ tsk cuminduft
  
• 1 tsk sjávarsalt flögur
  
• 2 msk ólífuolía
  

• Bakaðar kjúklingabaunir

• 1 krukka soðnar kjúklingabaunir, skolaðar og vökvanum hellt frá
  
• ½ tsk cuminduft
  
• ¼ tsk turmerik
  
• ½ tsk hvítlauksduft
  
• ½ tsk sjávarsalt flögur
  
• smá nýmalaður svartur pipar
  
• 1 msk ólífuolía
  

• Grænmeti

• 1 romaine höfuð, skorið í passlega bita
  
• 6 kirsuberjatómatar, skornir í tvennt
  
• 200g brokkolí skorið í passlega munnbita
  
• 200g rauðkál, skorið í þunnar sneiðar
  
• 1 avókadó, afhýtt og skorið í sneiðar
  

• Sósa

• 1 dl kasjúhnetur, í bleyti
  
• 1 dl vatn 100g grilluð paprika (úr krukku)
  
• 1 dl olía af grilluðu paprikunni
  
• 1 msk sítrónusafi
  
• 1 tsk sjávarsaltflögur
  
• ½ tsk chiliflögur

Sósan:

Allt sett í blandara og blandað þar til silkimjúkt.

Skálin:

Byrjið á að baka grænmetið og kjúklingabaunirnar.

Hitið ofninn í 200°C.

Setjið bökunarpappír á ofnplötu og setjið grænmetið á 2/3 af plötunni og kjúklingabaunirnar á 1/3 af plötunni.

Kryddið og skvettið olíu yfir og bakið í 18-20 mínútur.

Á meðan grænmetið er að bakast, steikið rauðkálið og brokkolíið á heitri pönnu, gott er að steikja hvora tegund fyrir sig.
Setjið smá olíu á pönnuna og þegar hún er heit setjið grænmetið út á, kryddið með smá sjávarsaltflögum.

Setjið romaine salatið í skálar, raðið restinni af grænmetinu ofan á ásamt avókadó og tómötum, endið á að setja væna skeið af sósunni og njótið.

• 2 krukkur kjúklingabaunir
  
• 1 msk sítrónusafi
  
• 1 tsk hvítlauksduft
  
• 1 tsk laukduft
  
• 1 tsk paprikuduft
  
• ¼ tsk túrmerik (má sleppa)
  
• cayenne pipar af hnífsoddi (eða meira fyrir sterkara bragð)
  
• 1 tsk sjávarsalt
  
• 2 msk kókosolía
  

Skolið baunirnar í sigti. Gott er að breiða út viskastykki á borði, setja baunirnar á og rúlla aðeins til að losa lausustu skinnin frá. Setjið olíu, sítrónusafa og krydd í rúmgóða skál og veltið svo baununum uppúr blöndunni. Setjið kryddaðar baunirnar á ofnplötu með bökunarpappír og dreifið vel úr. Bakið við 190°C - 200°C í 25 - 35 mínútur. Fylgist með og hrærið í öðru hvoru. Ef baunirnar virðast vera nálægt því að brenna er gott að lækka aðeins hitann svo hægt sé að hafa þær inni nógu lengi. Takið plötuna út og leyfið að kólna. Snakkið geymist í u.þ.b. viku í loftþéttu íláti í kæli. (Passar vel að setja hreinar glerkrukkur undan kjúklingabaunum).

• 1 krukka forsoðnar kjúklingabaunir
  
• ⅓ krukka grilluð paprika
  
• 2 msk möndlusmjör
  
• 2 msk jómfrúar ólífuolía
  
• 2 msk ferskar kryddjurtir, þínar uppáhalds t.d. kóríander, basil, steinselja
  
• 1-2 msk sítrónusafi
  
• 2 hvítlauksrif
  
• ½ - 1 tsk sjávarsaltflögur
  
• örlítið af svörtum pipar
  

Allt sett í matvinnsluvél og maukað. Hægt að setja aftur í baunakrukkuna og geyma í ísskáp í um 5 daga.

Hefðbundnar falafelbollur eru djúpsteiktar, en þessar bollur eru bakaðar í ofninum, til að halda hollustunni alla leið. Einnig má steikja bollurnar á pönnu, en þá er best að velta þeim fyrst upp úr mjöli, t.d. smá spelti, möluðu haframjöli eða maísmjöli. Falafel bollur eru frábærar með góðri tahinisósu og salati. Tilvalið að bera fram í góðu pítubrauði eða í vefju eða nota stór salatblöð fyrir vefjur.   

Ofnbakað falafel

• 1 krukka forsoðnar kjúklingabaunir (3½ dl)
• ½ dl rauðlaukur
• ½ dl fersk steinselja
• ½ dl ferskur kóríander
• ½ dl möluð chiafræ
• 1-2 hvítlauksrif
• 1 tsk cumin duft
• ¼ tsk kóríanderduft
• 1 tsk sjávarsalt
• 2 msk tahini
• 2 msk sítrónusafi
  

Forhitið ofninn í 200°C. Saxið rauðlaukinn og kryddjurtirnar. Setjið allt í matvinnsluvél og blandið þar til orðið að grófu deigi. Gott er að nota ískúluskeið til að búa til litlar bollur. Best er að rúlla hverja bollu í smástund í lófanum áður en þær eru settar á bökunarpappír svo að þær haldi forminu sem best og detti síður í sundur. Bökunartími er 25-30 mín. Snúið bollunum á hina hliðina eftir 15 mín. Falafel bollur eru æðislegar með tahinisósu og salati. Þær má líka setja í pítubrauð eða vefju með hummus og tahinisósu og grænmeti.

Sítrónu-tahinisósa

• ½ dl sítrónusafi
• 1 dl appelsínusafi
• 1 dl vatn
• 1½ dl tahini
• 3 pressuð hvítlauksrif
• ½ tsk sjávarsalt
• 2 msk ferskur kóríander
• 1 msk fersk steinselja
• 1 tsk karrý
• ½ tsk cumin 
• 2 döðlur (ef vill)
  

Setjið allt í blandara og blandið þar til silkimjúkt.

• 3 msk soð af niðursoðnum kjúklingabaunum (aquafaba)
• 1 msk sítrónusafi
• 1 msk eplaedik
• 1 tsk hlynsíróp eða önnur sæta (má sleppa)
• ¾ tsk sjávarsalt
• ¼ tsk möluð sinnepsfræ (finnst t.d. í kryddhillunni í Hagkaup, má sleppa)
• 190 – 230 ml góð olía – (notið bragðlitla olíu ef þið viljið hlutlaust bragð)
  

Setjið allt nema olíuna í blandara og blandið í ca 1 mín á frekar hárri stillingu.
Lækkið hraðann og takið annað hvort lokið af blandaranum eða ef það er lítill tappi á lokinu takið hann þá úr – og hellið olíunni mjög rólega í þunnri bunu þar til mayo-ið er orðið þykkt.
Það getur verið að þið þurfið ekki alla olíuna, þið stoppið þegar mayo-ið er fullkomið.