Grænkálspestó
- Miðlungs
- Vegan: Já
- Viðbættur sykur: Nei
Uppskrift
Hvort sem þið eigið grænkál úti í garði, eða fáið falleg búnt í búðinni, þá er þetta pestó virkilega ljúffeng leið til að njóta þessa næringarríka káls út í ystu æsar. T.d. frábært álegg, út á salöt, pasta, pizzur.
.
.
- 5 grænkálsblöð (takið stilkinn af)
- 5 góðar svartar ólífur (takið steinana úr)
- 50g lífrænar heslihnetur (ristaðar eða bakaðar)
- 2 döðlur, smátt saxaðar
- 1 hvítlauksrif
- smá sjávarsalt
- safi og hýði af 1 sítrónu (lífrænni ef til)
- ½ - ¾ dl jómfrúarólífuolía frá Himneskt
Byrjið á að rista eða baka heslihneturnar við vægan hita. Setjið svo allt nema ólífuolíuna í matvinnsluvél eða morter og maukið/merjið. Setjið í skál og hrærið ólífuolíunni út í. Berið fram í fallegu íláti og njótið!
