Heimalagað rauðkál
- Auðvelt
- Vegan: Já
- Viðbættur sykur: Já
Uppskrift
Rauðkál er klassískt meðlæti við hátíðarborðið. Heimalagað er auðvitað málið, enda einfalt að útbúa. Þessi uppskrift er mjög bragðgóð og hátíðleg.
- 500g rauðkál
- 4 lífræn epli
- 2 mandarínur (afhýddar)
- 1-2 msk hrásykur eða 4-5 döðlur
- 1 msk sítrónusafi
- 2 msk engiferskot eða 2 cm biti fersk engiferrót
- smá sjávarsalt
Skerið rauðkálið í frekar þunna strimla og setjið í pott.
Afhýðið eplin og skerið í bita og bætið út í.
Afhýðið mandarínurnar, og setjið rifin út í ásamt sykri/döðlum, sítrónusafa, engifer og sjávarsalti.
Hrærið í og merjið mandarínurifin til að fá vökva.
Látið suðuna koma upp, hrærið reglulega í og látið sjóða við vægan hita í 30 mín.
