Sörukaka
- Vegan: Já
Uppskrift
Botn
- 2 b (225g) möndlumjöl
- ½ b (140g) hlynsíróp
- 3 msk (50g) möndlusmjör
- ½ tsk vanilla
- smá sjávarsaltflögur
Fylling
- 260g vegan smjör
- 150g malaður hrásykur (hægt að nota flórsykur)
- ½ tsk kaffiduft
- 25g kakóduft
Súkkulaði
- 100g 71% súkkulaði
- 1 msk vegan smjör
Botninn:
Setjið allt í hrærivél og hrærið saman. Þjappið í form (ca 20-25cm þvermál) og bakið í 15-20 mín við 180°C
Kælið.Fyllingin:
Malið hrásykurinn fínt í matvinnsluvél/blandara/kryddkvörn til að fá svipaða áferð og flórsykur. Gott að skella instant kaffiduftinu með í lokin, þá malast það fínna í leiðinni.
Best er að taka vegan smjörið beint úr kælinum og skera í bita.
Setjið kalt smjör, malaðan sykur og kaffiduft og kakóduft í hrærivél og þeytið með þeytara. (Hægt að nota matvinnsluvél ef þið eigið ekki hrærivél).
Smyrjið á botninn og setjið í kæli á meðan þið bræðið súkkulaðið sem fer yfir kremiðSúkkulaðihjúpur:
Bræðið súkkulaðið yfir vatnsbaði og setjið vegan smjör út í til að gera kremið aðeins mýkra.
Hellið yfir kökuna og látið í frysti/kæli á meðan súkkulaðið stífnar.
- Næsta færsla
- Fyrri færsla