Hnetuturnar með rótarmús

Uppskrift

• Hnetuturn:
• 2 msk góð olía
  
• 1 laukur, smátt saxaður
  
• 3 hvítlauksrif, smátt söxuð
  
• 2 sellerístilkar, smátt skornir
  
• 1 rauð paprika, skorin í bita
  
• 100g spínat, saxað
  
• 200g soðnar rauðar linsur
  
• 450g blandaðar hnetur, þurristaðar á pönnu eða í ofni og gróft saxaðar (t.d. 150g af: heslihnetum, kasjúhnetum og pekanhnetum)
  
• 200g hnetusmjör
  
• 100g möndlumjöl
  
• 100g rifinn daiya ostur (eða annar ostur) 
  
• 1 ½ tsk timian þurrkað eða 1 ½ msk ferskt
  
• ½ tsk salvía þurrkuð eða ½ msk fersk
  
• ¼ tsk múskat
  
• 1 tsk sjávarsalt
  
• 1 tsk grænmetiskraftur
  
• ½ tsk chili flögur 
• 
  
• Rótarmús:
  
• 1 sellerírót, afhýdd og skorin í 2x2 cm bita
  
• 1 sæt kartafla, afhýdd og skorin í 2x2 cm bita
  
• 3 gulrætur, skornar i 2x2 cm bita
  
• ½ dl vatn
  
• ½ tsk paprikuduft + 1 tsk töfrakrydd (frá Pottagöldrum) + smá salt
  
• Blandið öllu saman í ofnskúffu og bakið í ofni við 200°C í 12-15 mín. 
• 
  
• Pekanhnetur:
  
• 100g pekanhnetur
  
• 2 msk hlynsíróp
  
• ½ tsk kanill
  
• ½ tsk chiliflögur eða ¼ tsk cayenne pipar
  

Hnetuturnar:

Byrjið á að sjóða linsur í potti. 

Hitið olíuna á pönnu og mýkið laukinn og hvítlaukinn þar á í um 5-7 mín.

Bætið þá sellerí og papriku út á og haldið áfram að láta þetta malla í aðrar 5-7 mín. 

Bætið söxuðu spínati út á og hrærið í um 1 mín. Takið af hellunni og látið kólna. 

Setjið soðnar rauðar linsur í hrærivélaskál ásamt hnetunum, hnetusmjörinu, möndlumjölinu, daiyaostinum og kryddinu og hrærið saman. 

Bætið laukblöndunnu út í og klárið að hræra saman. 

Mótið hringlótta “turna” ca 10 cm í þvermál og 3 cm á hæð og bakið við 200°C í um 15 – 20 mín. 

Rótarmús:

Maukað í skál og smá kókosolía eða ólífuolía sett út í til að gera músina mýkri. 

Pekanhnetur:

Setjið hlynsíróp á pönnu ásamt kryddinu og hrærið í.

Bætið hnetunum út á og látið veltast á pönnunni í um 2-3 mín – hrærið stöðugt því annars brennur þessi dásemd. 

Setjið 2 cm lag af rótarmús ofan á hnetuturninn og skreytið með krydduðum pekanhnetum.