Uppskrift

• Botn

• 200 g fínt spelt, lífrænt frá Himneskt
  
• ¾ tsk vínsteinslyftiduft
  
• ½ tsk matarsódi
  
• 125 g hrásykur, lífrænn frá Himneskt
  
• 60 ml ólífuolía, lífræn frá Himneskt
  
• 150 ml möndlumjólk eða önnur jurtamjólk
  
• 50 ml sódavatn
  
• 1 tsk vanilla
  
• nokkur saltkorn
  

  Perur

• 4 perur, vel þroskaðar
  
• 5 dl eplasafi
  
• 2-3 msk engiferskot, frá Himneskt (hægt að nota 5 cm bita ferskan engifer)
  
• 1 tsk vanilla
  
• ¼ tsk sjávarsalt
  

  Súkkulaðirjómi

• 1 peli þeytanlegur jurtarjómi 
  
• 50g  71% súkkulaði, lífrænt frá Himneskt
  

Botn

Byrjið á að gera formið (26 cm þvermál) tilbúið og setjið bökunarpappir í botninn.
Kveikið á ofninum og stillið á 170°C.
Sigtið speltið, vínsteinslyftiuftið og matarsódann og setjið í skál, bætið hrásykrinum og saltinu út í.
Blandið olíu, jurtamjólk og vanillu saman.
Hellið út í þurrefnablönduna og hrærið saman, gott að nota hrærivél eða handþeytara.
Hrærið í 1-2 mín eða þar til þetta verður að kekklausu deigi. Síðustu 5 sekúndurnar þá hellið þið sódavatninu út í og létt blandið. Þetta er gert til að fá loft í deigið.
Hellið deiginu strax í formið og setjið inn í heitann ofninn.
Bakið við 170°C í 35-40 mín.



Perur

Skerið perurnar í tvennt, kjarnhreinsið og afhýðið.
Setjið í pott ásamt eplasafa, engiferskoti, vanillu og salti.
Látið suðuna koma upp og sjóðið perurnar við vægan hita í um 20 mín, loklaust.
Slökkvið undir hellunni og leyfið perunum að kólna í pottinum.
Vætið kökubotninn með 3-4 msk af perusafa.
Leggið perurnar fallega ofan á kökubotninn.
Setjið að lokum súkkulaðirjómann yfir.



Súkkulaðirjómi

Þeytið jurtarjómann í hrærivél, það virkar ekki jafn vel að handþeyta. Fylgist sérstaklega vel með að þeyta ekki of mikið.
Bræðið súkkulaðið yfir vatnsbaði.
Kælið súkkulaðið í smá stund og hrærið síðan rólega saman við rjómann í hrærivélinni. Passið aftur að hræra ekki of mikið.
Smyrjið rjómanum yfir perurnar.