Vegan súkkulaðimuffins
- Miðlungs
- Vegan: Já
Uppskrift
Í þessar bragðgóðu súkkulaði muffins notum við kjúklingabaunasoð (aquafaba) til að gefa lyftingu og kjúklingabaunir til að gefa saðsama næringu.
- 6 msk kjúklingabaunasoð
- ½ tsk cream of tartar
- 1 ¼ b kókospálmasykur
- ½ b kókosolía
- 1 b soðnar kjúklingabaunir
- ⅔ b kakóduft
- 1 ½ b spelt (fínt og gróft til helminga)
- ⅓ b möndlumjólk
- ¼ tsk salt
- 1 tsk vínsteinslyftiduft
- 1 tsk matarsódi
- 100g dökkt súkkulaði, saxað
Opnið krukku af forsoðnum kjúklingabaunum. Sigtið baunirnar frá vökvanum og geymið hvorutveggja.
Þeytið nú kjúklingabaunasoðið í hrærivél þar til það fer að stífna. Bætið cream of tartar út í og haldið áfram að þeyta í a.m.k 10 mín eða þar til þetta er orðið alveg stífþeytt. Færið nú stífþeytt aquafabað varlega yfir í aðra skál.
Setjið kókospálmasykur og kókosolíu í hrærivélina og hrærið í 2 mín.
Bætið kjúklingabaununum út í og hrærið í 5 mín eða þar til kjúklingabaunirnar hafa hrærst vel saman við og eru kekklausar.
Bætið kakóinu út í og hrærið saman.
Bætið speltinu við, 1 msk í einu og hrærið.
Hellið möndlumjólkinni út í ásamt lyftidufti, matarsóda og dökku súkkulaði.
Slökkvið nú á hrærivélinni og hrærið aquafaba varlega út í með sleif.
Setjið í muffinsform og bakið við 190°C í 20 mín
Takið út og látið aðeins kólna ef þið getið áður en þið gæðið ykkur á góðgætinu
