Fylltar eggaldinrúllur
- Miðlungs
- Vegan: Já
- Hráfæði: Nei
Uppskrift
Ljúffengar eggaldinrúllur með vegan pestó fyllingu. Þessar rúllur eru rosalega góðar á hátíðarborðið! Geta bæði verið aðalréttur með góðu meðlæti, eða verið meðlæti með góðum aðalrétt.
- 2 eggaldin
- 2 msk jómfrúarólífuolía
- ½ tsk salt
- nýmalaður svartur pipar
- 50g smátt saxaður kóríander
- 50g ristaðar kasjúhnetur
- 1 msk sítrónusafi
- 1 hvítlauksrif
- 4 smátt saxaðar döðlur
- ½ smátt saxaður chili
- 200g vegan rjómaostur (t.d. violife) eða þinn uppáhalds mjúki ostur
Skerið eggaldin í ½ cm þunnar sneiðar eftir endilöngu.
Penslið með ólífuolíu og kryddið með smá salti og nýmöluðum svörtum pipar.
Stillið ofninn á 200°C. Setjið eggaldinsneiðarnar á bökunarpappír í ofnskúffu og bakið þar til þær hafa fengið á sig gullinbrúnan lit.
Takið út og látið aðeins kólna.
Blandið saman í matvinnsluvél öllu nema osti og eggaldin, með því að ýta á "pulse"-hnappinn. Myljið ostinn út í og ýtið nokkrum sinnum á "pulse"-hnappinn.
Skerið eggaldinsneiðarnar í tvennt eftir endilöngu svo þetta verða um 2 cm mjóar ræmur.
Setjið 1 msk af fyllingu á endann á hverri eggaldinræmu.
Rúllið upp, raðið rúllunum í eldfast mót.
Bakið í 5-10 mínútur við 190°C.
Berið fram með því meðlæti sem ykkur lystir.
