Fylltar döðlur
- 12 manns
- Auðvelt
- Vegan: Já
Uppskrift
Einfalt og ótrúlega gott nammi sem frábært er að eiga í frystinum. Við fyllum döðlur með lífræna hnetusmjörinu okkar og hjúpum svo með dökku súkkulaði. Sumir kalla þetta nammi snikkersdöðlur.
- 12 stórar döðlur
- 2 msk gróft hnetusmjör frá Himneskt
- 3-4 msk salthnetur, gróft saxaðar
- 100g dökkt súkkulaði
Hrærið salthnetunum út í hnetusmjörið.
Skerið í döðlurnar og opnið aðeins.
Setjið ½ tsk af hnetusmjöri inn í hverja döðlu, magnið fer svolítið eftir hvað kemst inn í döðluna.
TRIKK: Setjið hnetusmjörið í sprautupoka, þannig er mjög auðvelt að fylla döðlurnar.Þegar döðlurnar eru fylltar eru þær settar inn í kæli eða frysti í smá stund til að láta þær stífna.
Bræðið súkkulaðið yfir vatnsbaði við vægan hita. Veljið súkkulaði sem ykkur finnst gott, t.d. dökkt eða ljósara eftir smekk.
Dýfið hverri döðlu í súkkulaðið, setjið síðan inn í frysti í 15 mín og þá eru þær tilbúnar til að njóta.
Geymst mjög vel í frysti.
