Döðlunammi
- Auðvelt
- Vegan: Já
Uppskrift
Döðlunammi með "krönsi" inní, sem er tilvalið að eiga í frystinum. Frábært að næla sér í eina kúlu í kaffipásunni.
- 1 b döðlur
- 1 msk kakó
- 1 msk vegan smjör eða kókosolía
- 1 ½ b poppað kínóa eða Rice Krispies
- kókosmjöl til að velta upp úr
Byrjið á að skera döðlurnar í fernt, látið í skál og hellið sjóðandi vatn yfir þær. Látið standa í 1 mín, hellið vatninu af (hægt að geyma og nota í smoothie)
Setjið döðlurnar í matvinnsluvél, bætið kakó og vegan smjöri út í og maukið
Látið döðlumaukið í skál, bætið poppuðu kínóa (quinoa puffs) eða Rice Krispies út í og létt blandið saman.
Mótið kúlur og veltið upp úr kókosmjöli.
Gott að geyma í frysti eða kæli.