Hnetusmjörskúlur
- Auðvelt
- Vegan: Já
Uppskrift
Þessir dásamlegu hnetusmjörsmolar eru sérlega einfaldir og ljúffengir. Tilvalið föndur fyrir fjölskyldustund.
- 100g döðlur
- 1 dl hreint hnetusmjör, fínt
- 2 msk kókosolía (fljótandi)
- hýðið af 1 lífrænni appelsínu
- 200g dökkt súkkulaði 71%
Saxið döðlurnar smátt setjið í matvinnsluvél með hnetusmjörinu, kókosolíunni og appelsínuhýðinu.
Gott er að setja fyllinguna í smá stund inn í ísskáp og láta stífna svo auðvelt sé að móta kúlur.
Geymið kúlurnar í frystinum/kæli á meðan súkkulaðið er brætt, þannig verður húðunin auðveldari.
Bræðið 71% dökkt súkkulaði yfir vatnsbaði.
Dýfið köldum kúlum í súkkulaðið og leggið á grind/bökunarpappír og látið storkna.
Geymið í kæli/frysti.
