Möndlukaka með rabarbara
- Auðvelt
- Vegan: Já
Uppskrift
Einföld og sumarleg möndlukaka með rabarbara.
Rabarbarinn er fyrsta uppskera sumarsins í mörgum görðum og það er svo gaman að nýta hann jafnt og þétt í eftirrétti.
Þessi kaka er frábær borin fram með ís, þeyttum eða sýrðum rjóma og svo er frábært að hafa smávegis af rabarbarasultu með ef hún er til.
Rabarbarinn er fyrsta uppskera sumarsins í mörgum görðum og það er svo gaman að nýta hann jafnt og þétt í eftirrétti.
Þessi kaka er frábær borin fram með ís, þeyttum eða sýrðum rjóma og svo er frábært að hafa smávegis af rabarbarasultu með ef hún er til.
Rabarbara og möndlukaka
- 200g fínt og gróft spelt til helminga
- 75g malaðar möndlur
- 1 tsk vínsteinslyftiduft
- 1 tsk matarsódi
- ¼ tsk sjávarsalt
- 150g hrásykur
- 65 ml ólífuolía
- 150 ml möndlumjólk
- 1 msk eplaedik
- 1 tsk vanilludropar
- 1 tsk möndludropar
- nokkrir rabarbaraleggir, magn eftir smekk
Skerið rabarbaraleggi niður í litla bita.
Blandið þurrefnunum saman í skál
Hristið saman olíu, möndlumjólk, eplaedik, vanilludropa og möndludropa. Þægilegt er að nota krukku og setja lok á og hrista.
Hellið vökvanum í skálina með þurrefnunum og blandið saman.
Smyrjið hringlaga form, 26 cm í þvermál.
Setjið deigið í formið og hellið rabarbarabitunum út á.
Bakið við 175°C í 40-45 mín og athugið hvort kakan sé bökuð í gegn.
Berið fram með ís eða þeyttum rjóma, svo er líka mjög gott að hafa smá rabarbarasultu með til að setja út á.
