Vegan ostakaka
- Miðlungs
- Vegan: Já
Uppskrift
Dýrindis ostakaka, með súkkulaðihnetusmjöri og fullt af ferskum berjum. Tilvalinn páskadesert.
Þessa ostaköku væri snjallt að baka daginn áður og geyma í kæli. Og skreyta síðan með fullt af ferskum berjum þegar hún er borin fram.
Kakan geymist í kæli í viku án berja, svo það er alveg óhætt að baka hana fram í tímann.
- Botninn:
- 75g haframjöl
- 100g malaðar möndlur eða hnetur
- 10 döðlur, smátt skornar
- 60g kókosolía
- ½ tsk sjávarsaltflögur
- Fyllingin:
- 150g kasjúhnetur, lagðar í bleyti í 2 klst
- 200g vegan rjómaostur
- 250g kókosmjólk
- 225g hlynsíróp
- 2 msk sítrónusafi
- 2 msk kókosolía
- 2 msk maizenamjöl
- 1 tsk vanilludropar
- ½ tsk sjávarsaltflögur
- Ofan á:
- Fersk ber, t.d. hindber, bláber eða jarðaber
- Vegan súkkulaðihnetusmjör, helst lífrænt.
- Heimagert EÐA Finnið tilbúið í heilsuhillunum.
- Hægt að nota sultu í staðinn fyrir súkkulaðismjör
ATH Munið að leggja kasjúhneturnar fyrir fyllinguna í bleyti í 2 klst áður en baksturinn hefst.
Botninn:
Setjið allt hráefnið í matvinnsluvél og maukið þar til þetta verður að klístruðu deigi.
Þjappið niður í smurt form sem er um 26 cm í þvermál. Gott að nota smelluform.
Forbakið við 160°C í 10 mín.
Látið kólna áður en fyllingunni er hellt yfir.
Fyllingin:
Hellið vatninu af kasjúhnetunum.
Setjið allt hráefnið í blandara og blandið þar til silkimjúkt. (Hægt að nota matvinnsluvél).
Hellið fyllingunni yfir forbakaða botninn og bakið við 160°C í 55 mín.
Látið kólna í a.m.k. 2 klst í kæli, en má geyma í kæli í viku þess vegna.
Ofan á:
Smyrjið súkkulaðismjörinu yfir kökuna.
Raðið berjunum ofan á.
Njótið!