Döðlumauk
- Auðvelt
Uppskrift
Döðlumauk er gott til að nota sem sætu í allskyns eftirrétti, bakstur, eða út á grauta og smoothie skálar.
- 225g döðlur, lagðar í bleyti í sjóðandi vatn í ca 1 klst
- 2 ½ dl sjóðandi vatn (til að leggja döðlurnar í bleyti)
- 1 msk kókosolía eða kakósmjör, fljótandi
- 1 tsk vanilla
- ½ tsk sjávarsaltflögur
Setjið döðlurnar í skál, hellið sjóðandi vatni yfir þannig að fljóti rétt yfir döðlurnar.
Sigtið vatnið af döðlunum, en geymið vatnið. Setjið döðlurnar í matvinnsluvél eða blandara.
Bætið kókosolíu eða kakósmjöri út í ásamt vanillu og sjávarsaltflögum. Þið þurfið ca ½ - 1 dl af útbleytivatninu í þessa uppskrift, byrjið á að setja ½ dl og blandið.
Maukið á að vera alveg silkimjúkt og kekklaust. Bætið 1 msk í einu af vatni út í þar til maukið er fullkomið.
Geymist í 3-4 vikur í kæli í loftþéttu íláti. Má frysta.
