Uppskrift

• 3 dl vatn
• 2 dl kókosmjólk
• 1 msk grænt karrý mauk 
• 1 hvítlauksrif
• 2 cm biti fersk engiferrót
• 3-4 límónulauf
• 1 stöngull sítrónugras
• 2 gulrætur
• 1 blómkálshöfuð
• 1 rauð paprika
• 250g marinerað tofu - sjá uppskrift hér að neðan
• ½ tsk sjávarsalt
• 1 hnefi ferskur kóríander
• 100g soðnar svartar baunir/aduki baunir
• 100g grænar belgbaunir
  

Skerið fyrst grænmetið í frekar litla bita. Setjið kókosmjólk, grænt karrý mauk, hvítlauk, engifer,  límónulauf og sítrónugras í pott, hrærið í og látið suðuna koma upp. Bætið grænmeti út í og látið malla í um 10 mín eða þar til grænmetið er byrjað að mýkjast. Setjið baunirnar út í og leyfið að malla í 5 mínútur í viðbót. Klippið ferskan kóríander yfir og skreytið með grænum belgbaunum.

Marinerað tófú 

• 250 gr stíft (firm) tófú
  
• 4 msk tamarisósa
  
• 3 msk sítrónusafi
  
• 2 msk engiferskot
  
• 1 msk ristuð sesamolía
  
• 1 tsk hvítlauksduft 
  

Takið tófúið úr pakkanum, vefjið utan um það viskustykki og léttkreistið úr því vatnið, skerið það svo í litla bita um 1x1cm. Hristið saman tamarisósu, sítrónusafa, engifer, ristaða sesamolíu og hvítlauk og hellið yfir tófúið. Látið marinerast í um 1 klst.  

Ps. Ef þið eigið afgangs tófu er sniðugt að skera það i bita og frysta. Áferðin verður jafnvel enn betri eftir veruna i frystinum.