Aðalréttir

Hnetusteikur vefja

Hnetusteikur Vefjur Vetur

  • 1 manns
  • Auðvelt
  • Hnetusteikar vefja

Uppskrift

Milli jóla og nýárs eru oft til allskyns afgangar af jólamat. Rauðkál, grænar baunir, hnetusteik og ýmislegt fleira gott má finna í ísskápnum. Gaman er að breyta afgöngum í nýja máltíð sem gefur aðra stemningu en sjálfur hátíðamaturinn og bragðast aðeins öðruvísi.

Hér gefum við uppskrift að einni vefju, en einfalt er að stækka uppskriftina.

  • 1 vefja
  • 1 sneið afgangur af eldaðri hnetusteik
  • 1-2 msk rauðkál
  • 2 msk grænar baunir
  • 4-5 brokkolí blóm
  • 1 msk dukkah (eða ristuð fræ og hnetur)
  • Sinnepssósa:
  • 2 msk vegan majones (keypt eða heimagert )
  • 1 tsk sætt sinnep
Byrjið á að hræra majonesi og sinnepi saman í sinnepssósu.

Steikið brokkolí á heitri pönnu í 2 mínútur, ásamt hnetusteikar sneið, á meðan vefjan er hituð í ofni.

Setjið hnetusteikina á vefjuna, síðan sinnepssósu, rauðkál, grænar baunir, brokkolí og endið á að strá dukkah (eða ristuðum hnetum) yfir og rúllið upp og hlakkið til að njóta.