Uppskrift

• Rauðrófuloka

• 300g forsoðnar rauðrófur
  
• 100ml bbq sósa
  
• 200g hvítkálssalat
  
• 4 msk tófúmayo
  
• 2 hamborgarabrauð

• Tófúmayo

• 200g tófú 
• 75 ml avókadóolía
  
• 1 msk sítrónusafi
  
• 1 tsk eplaedik
  
• 1 tsk hlynsíróp
  
• ½ tsk sinnep
  
• ½ tsk sjávarsalt flögur 

• Hvítkálssalat

• 150g rifið hvítkál
  
• 50g rifnar gulrætur
  
• 1 grænt lífrænt epli, kjarnhreinsað og rifið
  
• 20g smátt skorin sýrðar gúrkur (má sleppa)
  
• 1 dl tófúmayo
  

Rauðrófurnar

Hitið ofninn í 200°C og setjið bökunarpappír á ofnskúffu.
Forsoðnar, vakúmpakkaðar lífrænar rauðrófur fást í grænmetiskælinum í Hagkaup og Bónus.

Rífið rauðrófurnar og setjið í skál, hellið bbq sósunni yfir og blandið þannig að sósan þeki rauðrófurnar vel. Dreifið þessu á ofnskúffuna og bakið í 10 mín við 200°C. (Hrærið 1x, eftir ca 5 mín).
Búið nú til tófúmayo og hvítkálssalat.

Tófúmayo

Létt kreistið vatnið úr tófúinu með eldhúspappír eða viskastykki.
Skerið tófúið í bita og setjið í blandara ásamt restinni af uppskriftinni og blandið þar til alveg kekklaust.

Hvítkálssalat

Rífið niður hvítkál, gulrætur og epli, skerið niður súrar gúrkur og blandið svo öllu saman við 1 dl af tófúmayo.

Samlokan sett saman

Setjið hamborgarabrauðið á pönnu með sárið niður til að rista það, ath að það er líka hægt að setja inn í ofn, passið bara að brenni ekki.
Smyrjið brauðið með tófúmayo í botninn, setjið vænan slatta af rauðrófum þar ofan á, síðan hrásalat og endið á að smyrja toppinn. Setjið lokið á og njótið!