Spaghetti í kryddjurta sósu

Pasta og pizzur Skálar

  • Auðvelt
  • Pasta í kryddjurtasósu
  • Vegan: Já
  • Viðbættur sykur: Nei
  • Mjókurlaust: Já
  • Eggjalaust: Já

Uppskrift

Extra fljótlegt og gott pasta í grænni kryddjurtasósu.

Himneska spaghetti-ið er gert úr heilmöluðu korni sem er ræktað á ökrunum í kringum Montebello klaustrið í Marche, á Ítalíu. Þessir akrar hafa verið ræktaðir um langan aldur án notkunar tilbúins áburðar og varnarefna. Hægt er að velja spaghetti úr lífrænt ræktuðu heilhveiti eða lífrænt ræktuðu heilmöluðu spelti.


  • 200 g spaghetti úr lífrænu heilhveiti eða spelti
  • 250 ml kókosmjólk
  • 3 msk sítrónusafi
  • 1 msk kapers
  • 1-2 msk næringarger
  • 2-3 hvítlaukusrif
  • 2 tsk laukduft
  • ½ tsk cayenne
  • 1 búnt steinselja
  • 1 búnt kóríander
  • 65 g spínat
  • 2 msk tahini
  • 1 tsk sjávarsalt flögur 
  • ofan á:
  • parmesan (t.d. vegan frá violife)
  • rifið sítrónuhýði
  • ristaðar hnetur
Sjóðið pastað samkvæmt leiðbeiningunum á pakkanum.

Setjið restina af uppskriftinni í blandara og blandið þar til sósan er alveg silkimjúk.  Smakkið til með sjávarsalti og sítrónusafa.

Hellið sósunni út á pastað og berið fram.
Rífið vel af parmesan út á og stráið sítrónuhýði og ristuðum hnetum yfir og ferskum kryddjurtum ef vill.