Tófúspjót með hnetusósu
- Miðlungs
Uppskrift
Tófúspjót eru sumarleg og góð á grillið. Tófú er góður próteingjafi í staðinn fyrir kjöt eða fisk.
Þar sem tófúið þarf smá tíma til að draga í sig marineringuna er best að byrja amk hálftíma fyrr að búa til marineringu og leyfa tófúinu að liggja í henni. En það er líka í góðu lagi að gera þetta mörgum klst fyrr og geyma í ísskáp.
Hnetusósa
- 2 msk tamari sósa
- 2 msk hlynsíróp
- 2 msk sítrónusafi
- 1 tsk engiferskot
- 2 dl kókosmjólk
- 2 dl hnetusmjör (lífrænt frá Himneskt)
- 1 hvítlauksrif
- smá biti ferskur eða þurrkaður chilipipar
- ½ tsk reykt paprika ef vill
- - Allt sett í blandara og blandað saman.
Spjót
- 250g tófú, firm
- ½ rauð paprika, skorin í 2x2 cm bita
- ½ gul paprika, skorin í 2x2 cm bita
- 1 rauðlaukur, afhýddur og skorinn í báta
- ½ sítróna, skorin í sneiðar
marinering fyrir tófú:
- ½ dl tamari sósa
- 1 msk hlynsíróp
Tófúið
Þerrið tófúið með viskastykki, vefjið því inn í það svo það dragi vökvann úr tófúinu.
Setjið marineringuna í skál eða lítið fat, skerið tófúið í bita og látið marinerast í alla vega 30 mín, hrærið í svo það marinerist á sem flestum hliðum.Sósan
Útbúið hnetusósuna, allt hráefnið í sósuna er sett í blandara og blandað.
Spjótin
Bleytið tré spjótin með því að láta renna smá vatn á þau.
Þræðið tófú bitana og grænmetið upp á spjótin. T.d. paprika, laukur, tófú, paprika, laukur, tófú, sítróna, laukur, paprika... eða bara eins og ykkur finnst girnilegast.
Penslið hnetusósu yfir grænmetið og tófúið á spjótinu og setjið á grillið.
Við settum álpappír á grillið og létum spjótið þar ofan á, það er líka hægt að setja spjótin beint á grillið.
Spjótin eru tilbúin þegar þau eru komin með girnilegar grillrendur.