Penne m/brokkolí og kasjúhnetum
- Auðvelt
- Vegan: Já
Uppskrift
Þetta er einföld og fljótleg máltíð. Við byrjum á að rista hnetur örstutt á pönnu. Svo snöggsteikjum við brokkolí og tökum til hliðar. Sjóðum pasta og búum til sósuna á meðan pastað sýður. Svo er bara að raða fallega á disk og njóta.
Lífræna pastað okkar er gert úr heilmöluðu korni sem er ræktað á ökrunum í kringum Montebello klaustrið í Marche, á Ítalíu. Þessir akrar hafa verið ræktaðir um langan aldur án notkunar tilbúins áburðar og varnarefna. Pastagerðin byggir á rótgróinni hefð á þessu svæði, og útkoman er frábært pasta.
- 100g kasjúhnetur, lífrænar (frá Himneskt)
- 1 tsk jómfrúarólífuolía (frá Himneskt)
- 1⁄2 tsk vegan beikonkrydd Deliciou (fæst í Bónus)
-
- 1⁄2 brokkolíhöfuð
- 150g (ca 1/3 poki) penne, lífrænt frá Himneskt
- 1 msk ólífuolía, lífræn frá Himneskt
- 3 hvítlauksrif, söxuð
- 6 ólífur
- 1 tsk vegan beikonkrydd, Deliciou (fæst í Bónus)
- 200g rjómaostur, vegan rjómaostur fæst í flestum stórmörkuðum
- 1⁄4 tsk pipar
- smá salt
- rifinn parmesan ef vill, vegan parmesan fæst í flestum stórmörkuðum
Ristið kasjúhneturnar á pönnu við miðlungs hita í 2-5 mín, eða þar til gylltar.
Bætið kryddinu og olíunni út á rétt í lokin.
Setjið hneturnar í skál, svo hægt sé að nota pönnuna í annað.
Snögg steikið brokkolí á mjög heitri pönnu í 1-2 mín, í ca 1 msk olíu.
Sjóðið vatn í potti, þegar suðan er að koma upp setjið penne út í, látið sjóða í 8-10 mínútur.
Á meðan pastað sýður er sósan búin til.
Takið brokkolíið af pönnunni. Steikið í smá stund ólífuolíu, hvítlauk, ólífur og beikonkrydd. Bætið rjómaostinum út í, gott að skera hann í bita svo það sé auðvelt að hræra hann út í.
Smakki til með salti og pipar.
Bætið pastanu út á pönnuna þegar það er soðið.
Berið fram með brokkolí og ristuðum hnetum.
