Saag tófú
- Miðlungs
- Vegan: Já
Uppskrift
Ljómandi gott og próteinríkt tófú í bragðmikilli spínatsósu.
Gott er að pressa aðeins vökvann úr tófúinu nokkru áður en þið byrjið að elda. Þá er tófú kubburinn vafinn inn í viskastykki og léttkreistur, og jafnvel látinn standa í 20 mín undir einhverju þungu eins og t.d. góðri þykkri matreiðslubók. Svo er tófúið skorið í bita og steikt á pönnu. Á meðan það steikist er einfalt að útbúa sósuna í matvinnsluvél.
Gott er að pressa aðeins vökvann úr tófúinu nokkru áður en þið byrjið að elda. Þá er tófú kubburinn vafinn inn í viskastykki og léttkreistur, og jafnvel látinn standa í 20 mín undir einhverju þungu eins og t.d. góðri þykkri matreiðslubók. Svo er tófúið skorið í bita og steikt á pönnu. Á meðan það steikist er einfalt að útbúa sósuna í matvinnsluvél.
Saag Tófú
- 450g tófú
- 2 msk kókosolía, lífræn frá Himneskt
- 1 tsk túrmerik
- 1 laukur, smátt skorinn
- 2 hvítlauksrif
- 200g spínat
- 1 tsk cumin
- 1 tsk garam masala
- 1 tsk sambal olek (eða annað kryddað chilimauk)
- 2 tsk kókospálmasykur
- 1 msk grænmetiskraftur frá Himneskt
- ½ tsk sjávarsalt
- 1 msk engiferskot
- 1 msk sítrónusafi
- 400 ml kókosmjólk
- 2 dl vatn
Byrjið á að léttkreista vökvann úr tófúinu með viskastykki og látið standa í ca 20 mín.
Skerið tófúið 2x2 cm teninga sem eru ca 1 cm á þykkt og steikið á pönnu í kókosolíu í um 10 mín, eða þar til tófúið er orðið gyllt á litinn.
Kryddið með túrmerik og steikið áfram í 2-3 mín.
Á meðan tófúið er að steikjast setjið restina af uppskriftinni í matvinnsluvél til að búa til sósuna. Blandið vel saman.
Hellið yfir tófúið á pönnunni og látið malla í um 15 mín.
Á meðan tófúið mallar í sósunni er upplagt að sjóða hrísgrjón til að hafa með.
Þennan rétt er gott að bera fram með hrísgrjónum, ferskum kóríander og sítrónu til að kreysta yfir.
