Uppskrift

• Spínatbaka

• tilbúið bökudeig
  
• 2 laukar, skornir í sneiðar
• 2 msk ólífuolía
  
• ½ tsk cuminduft
• ½ tsk chiliflögur
• 1 tsk sjávarsaltflögur
  
• 350 g frosið spínat, tekið úr frysti ½ - 1 klst áður
  
• 1 msk sítrónuhýði, rifið á fínu rifjárni
  
• 130 g vegan fetaostur
  
• olía til að smyrja formið með
• 1 kartafla, skorin í örþunnar sneiðar með mandolíni eða ostaskera
  
• 
  

• Kryddmauk

• 5 hvítlauksrif, gróft söxuð
  
• 1 rauður chili
  
• 2 tsk cuminfræ
  
• 1 tsk papriku duft
  
• 50 g kóríander, ferskur og gróft saxaður
  
• 60 ml ólífuolía
  
• 1 ½ tsk sítrónusafi
  
• salt og pipar

Leiðbeiningar með spínatböku

Hitið ofninn í 180°C.

Setjið deigið í smurt bökuform, 26/29 cm í þvermál, notið gaffal til að búa til litlar holur svo deigið blási ekki upp. Stingið honum í deigið ca 10 sinnum. Forbakið í 8-10 mínútur eða þar til deigið byrjar að taka gylltan lit.

Á meðan deigið er að bakast, steikið laukinn upp úr olíu, best er að byrja á að hafa pönnuna heita, en lækka svo hitann og leyfa lauknum að malla í um 10 mín. Kryddið síðan með cumindufti, chilliflögum og sjávarsalti.

Bætið spínatinu út á pönnuna ásamt sítrónuhýði og látið malla í um 5 mín.

Setjið fyllinguna í forbakaða bökubotninn, myljið fetaostinn út á og bakið í um 25 – 30 mín samtals. Þegar bakan hefur verið inni í ofninum í 15 mínútur takið hana út og raðið örþunnum kartöflusneiðum yfir bökuna og bakið svo áfram í 10-15 mín, eða þar til bakan er orðin girnileg og gyllt.

Kryddmauk

Á meðan bakan er að bakast er fullkomið að búa til kryddmaukið.
Setjið allt í blandara og blandið saman. Geymist í krukku ísskápnum í 2-3 vikur. Þetta kryddmauk er gott með flestum mat, svo endilega geymið afganginn ef einhver er.

Þegar bakan er tilbúin þá setjið þið nokkrar skeiðar af kryddmauki yfir bökuna og berið fram.