Rauð kókos karrý núðlusúpa
- 4 manns
- Auðvelt
- Vegan: Já
- Hráfæði: Nei
- Viðbættur sykur: Nei
Uppskrift
Ljúffeng kókos karrý núðlusúpa með grænmeti og kasjúhnetum. Í súpuna notum við rautt thai curry paste sem rífur í. Einnig er dásamlegt að sjóða sítrónugrasstöngla og lime lauf með, en má sleppa ef þið eigið þetta ekki til (fæst í sérverslunum sem selja asíska matvöru).
- Súpan:
- 400 ml kókosmjólk
- 400 ml vatn
- 400 ml tómatpassata eða maukaðir tómatar
- 2 hvítlauksrif, pressuð
- 1 msk rautt curry paste (t.d. thai choice eða santa maria - með sítrónugrasi og chili)
- 1 msk tómatpúrra
- 1 msk engiferskot
- 2 tsk grænmetiskraftur
- smá sjávarsalt eða 1 tsk tamarisósa
- 1 rauð paprika, skorin þunnt
- 2 gulrætur, skornar þunnt
- nokkur blómkálsblóm, smátt skorin
- 1-2 sítrónugrasstönglar, marðir (má sleppa)
- 3-4 límónulauf (má sleppa)
Út í á eftir:- 200 g hrísgrjónanúðlur eða bókhveitinúðlur
- Ofan á:
- vorlaukur
- kasjúhnetur, saxaðar
- kóríander, ferskur
- lime
- spírur ef vill
Setjið allt hráefnið fyrir súpuna í pott, látið suðuna koma upp og látið sjóða í 15-20 mín.
Veiðið límónulaufin og sítrónugrasið upp úr (ef þið vorum með það í súpunni).
Smakkið til með salti. Fyrir sterkari súpu bætið smávegis við af curry paste, eða chili.
Á meðan súpan er að malla er gott að sjóða núðlurnar eftir leiðbeiningum á pakkanum.
Saxið svo vorlauk, kasjúhnetur og kóríander til að setja út á.
Setjið núðlur í skálar, hellið súpunni yfir og stráið vorlauk, hnetum og kryddi yfir, gott er að kreista smá lime safa út á.
