Skál m kjúklingabaunum og grænmeti
- Auðvelt
- Vegan: Já
Uppskrift
Þessi skál er frábær máltíð fyrir tvo. Skálin er í góðu jafnvægi, full af góðu grænmeti og með kínóa og kjúklingabaunir sem próteingjafa. Í þessari uppskrift má skipta út grænmetinu að vild, t.d. nota bara 1-2 tegundir af fersku grænmeti í staðinn fyrir 3 osfrv.
- 1 dl ósoðið kínóa
- hrátt grænmeti spíralíserað/skorið td:
- 1 gulrót
- 1 meðalstór rauðrófa
- ½ kúrbítur eða gúrka
- 2 dl soðnar kjúklingabaunir (t.d. úr krukku)
- 1 msk olía
- ½ - 1 tsk reykt paprika, duft
- ½ tsk sjávarsalt
- 1 tsk hlynsíróp (ef vill)
- ½ spergilkálshöfuð
- 1 rauðlaukur
- olía til að steikja upp úr
- smá sjávarsalt og svartur pipar
- 1 stk avókadó, skorið í bita
- sítrónusafi og salt (fyrir avókadóið)
- Sósa: hummus eða spicy mayo
Aðferðin
Sjóðið kínóa, farið eftir leiðbeiningum á pakkanum.
Á meðan kínóað sýður, undirbúið hitt hráefnið.
Rennið ferska grænmetinu í gegnum spíralízer eða skerið það niður frekar þunnt.
Hitið olíu á pönnu, setjið kjúklingabaunirnar út á, kryddið með reyktri papriku og salti og smá hlynsírópi ef vill. Leyfið að malla við vægan hita í 3-5 mín.
Skerið spergilkálið í bita þar sem bæði blóm og stöngull eru saman, afhýðið rauðlaukinn og skerið í u.þ.b. 6 hluta. Hitið olíu á pönnu og setjið svo grænmetið út á, kryddið og steikið í u.þ.b. ½ mín hvora hlið á vel heitri pönnu.
Setjið nú soðið kínóa í tvær skálar, svo ferska grænmetið (skorið eða spíralíserað eftir hvað hentar), ásamt avókadó m/sítrónusafa og salti. Svo kemur steikta grænmetið og kjúklingabaunirnar ofan á. Setjið svo vel af sósunni yfir.
Njótið!
