Falafel borgari m/tzatziki

Uppskrift

Falafel borgari

• 1 tsk cumin
• 1 tsk kóríander
• - kryddin þurrsteikt á pönnu í ½ mín
• 50g rifnar gulrætur
• 400g soðnar kjúklingabaunir
• 1 rauður chili, steinhreinsaður og smátt saxaður
• 1 hvítlauksrif, pressað
• hýði af 1 sítrónu
• 20g ferskur kóríander, saxaður
• 2 msk spelt
• ½ tsk lyftiduft
• kryddað til með salti og pipar 
  

Byrjið á að þurrsteikja cumin og kóríander á pönnu í ca ½ mín, passið að brenni ekki.
Setjið alla uppskriftina í matvinnsluvél og maukið.
Mótið 4 borgara sem þið látið inn í kæli í ca ½ klst áður en þið steikið á pönnu. (Á meðan er snjallt að búa til tzatziki og guacamole)
Steikið borgara á heitri pönnu upp úr kókosolíu eða þeirri olíu sem þið viljið, ca 2-3 mín á hvorri hlið.

Tzatziki

• 1 dós hafra sýrður rjómi (t.d. Oatly)
• 100g rifin og kreist agúrka
• 1 hvítlauksrif, pressað
• ½ tsk sjávarsaltflögur
• ¼ tsk cuminduft

Rífið agúrkuna á grófu rifjárni og kreistið úr henni vökvann.
Setjið í skál með sýrða hafrarjómanum, hvítlauk, sjávarsalti og cumindufti.
Hrærið saman. Geymist í viku í lokuðu íláti í ísskáp.

Guacamole

• 2 avókadó, afhýdd og steinhreinsuð
• 2 msk smátt saxaður rauðlaukur
• 10g ferskur kóríander, smátt saxaður
• smakkað til með sjávarsalti og smá chili pipar

Stappið avókadó og hrærið öllu saman í skál.

Falafel borgari m/ öllu fyrir 4

• 4 hamborgarabrauð 
• tzatziki 
• tómatsneiðar 
• lauksneiðar 
• 4 falafel buff 
• guacamole

Setjið 1 msk af tzatziki í botninn á hamborgarabollu, nokkrar tómatasneiðar þar ofan á, nokkra þunnt skorna laukhringi ofan á tómatana, því næst falafel buffið og að lokum guacamole.
Lokið með hamborgarabrauði og hlakkið til að njóta.