Uppskrift

• 4 rauðar paprikur, meðalstórar
  
• 200 gr sólþurrkaðir tómatar (hellið olíunni af og maukið í matvinnsluvél)
  
• 200 gr þistilhjörtu (hellið olíunni af og maukið í matvinnsluvél)
  
• 150 gr heslihnetur, malaðar í matvinnsluvél
  
• 150 gr möndlur, malaðar í matvinnsluvél
  
• 150 gr rifinn ostur, t.d. jurtaostur
  
• 50 gr parmesan, t.d. jurtaparmesan
  
• 150 gr soðnar kjúklingabaunir eða soðnar kartöflur
  
• 1 ½ tsk karrý
  
• 1 tsk paprikuduft
  
• smá salt & cayennepipar
  
• 1 búnt ferskur kóríander
  

Paprikurnar eru skornar í tvennt og steinhreinsaðar, sólþurrkaðir tómatar eru maukaðir ásamt þistilhjörtunum, möndlur og hnetur eru malaðar, osturinn + parmesaninn rifinn, síðan er allt nema paprikurnar sett í skál og hnoðað saman eða hrærivélaskál og hrært saman.

Paprikurnar eru svo fylltar og bakaðar við 180°c í ca 20-25 mín eða þar til þær eru orðnar gylltar á yfirborðinu.

Frábært að bera fram kalda jógúrtsósu með (t.d. vegan jógúrtsósu)

 

Köld jógúrt sósa

• 1 dós hrein jógúrt að eigin vali (t.d. sojajógúrt)
  
• 1-2 msk gott mangó chutney 
  
• 2 tómatar, skornir í tvennt, kjarninn skafinn innanúr og þeir síðan smátt saxaðir
  
• 1 dl smátt söxuð agúrka
  
• ½ dl smátt saxaður rauðlaukur
  
• 2 msk smátt saxaður ferskur kóríander
  
• smá salt
  
• smá nýmalaður svartur pipar
  

Öllu hrært saman