Uppskrift

• Rófutaco

• 2 stórar rófur
  

• Kasjúhnetukrem

• 150g kasjúhnetur, lagðar í bleyti í 2 klst
  
• 4 msk límónusafi
  
• 1 msk næringarger
  
• ⅛ tsk hvítur pipar
  
• ¼ tsk sjávarsalt
  
• 120 ml vatn
  

• Guacamole

• 2 avókadó, skorin í bita
  
• 2 msk rauðlaukur, saxaður
  
• 2 msk ferskur kóríander, saxaður
  
• 2 msk límónusafi
  
• 1 hvítlauksrif, saxað
  
• ½ tsk sjávarsalt
  
• smávegis svartur pipar
  

• Hnetukurl

• 100 g valhnetur
  
• ½ tsk cumin
  
• ½ tsk laukduft
  
• ¼ tsk reykt paprika
  
• 1 msk tamari sósa


Aðferðin

Byrjið á að leggja kasjúhnetur í bleyti, u.þ.b. 2 klst áður en útbúa á matinn.

Skeljar

Skerið rófurnar í þunnar sneiðar með mandólíni. Geymið í íláti með köldu vatni á meðan fyllingarnar eru útbúnar. (Eða útbúið fyllingarnar fyrst og skerið rófurnar síðast).

Kasjúhneturjómi

Hellið íbleytivatninu af kasjúhnetunum þegar þær hafa legið í bleyti í u.þ.b. 2 klst. Setjið hneturnar í blandara ásamt hráefninu í uppskriftinni og blandið þar til silkimjúkt.

Guacamole

Setjið avókadó í skál og stappið með gaffli. Bætið restinni út í og blandið með gafflinum.

Hnetukurl

Setjið allt í matvinnsluvél og notið "pulse" takkann nokkrum sinnum, þar til allt hefur blandast saman en er ennþá svolítið gróft. (Ekki mauka í kæfu).

Samsetning

Beygið rófusneiðarnar í "U" til að mynda skeljar. Setjið 1 msk af hnetukurli í botninn, svo u.þ.b. 2 msk guacamole og svo kasjúrjóma efst. Til að halda skeljunum saman má nota bandspotta til að binda lauslega, en þess þarf ekki nauðsynlega.